ខេត្តកោះកុង៖ ប្រជាពលរដ្ឋជាអាជីវកររកស៊ីដឹកបន្លែផ្លែឈើបន្តិចបន្តួចបានរិះគន់ដោយចំហរថា លោកនេត ចន្ថាមេគយប្រចាំ នៅស្រុកបូទុមសាគរ ខេត្តកោះកុង ដែលដាក់ប៉ុស្តិកុងត្រូលស្ថិតនៅ លើកំណាត់ផ្លូវជាតិលេខ ៤៨ ត្រង់ចំណុចពីខាងកើតហាងកាហ្វេស្រុកស្រែ ចំងាយប្រហែល៥០ម៉ែត្រ ឋិតនៅភូមិជីមាល ឃុំអណ្តូងទឹក ស្រុកបូទុមសាគរ កំពុងតែមានការ ឃុបឃិត អោយមានអំពើរត់ពន្ធ ម៉ូតូ ជាច្រើនលើក ច្រើនសាមកហើយ ទោះជាផ្លាស់ប្ដូរ មេគយនៅទីនោះ ញឹកញាប់ យ៉ាងណាក៏ដោយក៏
ភាពអសកម្មនឹងអំពើពុករលួយនៅតែមាន បន្តបន្ទាប់តាមរយៈ ការយកលុយក្រោមតុធ្វើអោយឈ្មួញនាំ ចូលទំនិញ គេចពន្ធ ជារៀងរាល់ថ្ងៃ។
យោងតាមប្រភព ពីប្រជាពលរដ្ឋ រកស៊ីដឹកផ្លែឈើបានឲ្យដឹងថាពួកគាត់ដឹកតែ បន្លែផ្លែឈើ បន្តិចបន្ទួចត្រូវបានមេគយស្រុកបូទុមសាគរ លោកនេត ចន្ថា បង្គាប់អោយបង់ប្រាក់ ចាប់ពី(40000រៀល)ទៅ(60000រៀល)ក្នុងមួយឡានតូរីស។
ពាក់ព័ន្ធ នឹងករណី ខាងលើនេះដែរប្រជាពលរដ្ឋបានត្អូញត្អែរប្រាបអ្នកសារព័ត៌មានយើងថា ម៉ូតូគេចពន្ធដឹកបង្កប់តាមឡានក្រុងមកពីខេត្តកោះកុង នឹងតាមឡានផ្សេងទៀតហើយដឹក តាមផ្លូវជាតិឆ្លងកាត់ពីមុខគយអណ្ដូងទឹក តែគយធ្វើហាក់បីដូចជាមិនដឹង តែបើប្រជាពលរដ្ឋដឹកបន្លែផ្លែឈើ លោកគយដឹងណាស់ ចាប់បង់លុយរហូត។គួរបញ្ជាក់ថាម៉ូតូរត់ពន្ធទាំងនោះ ដឹកចេញពីខេត្តកោះកុង រួចចុះនៅគល់ស្ពានស្រែអំបិលដោយរលូន ដោយមន្រ្តីគយព្រិលភ្នែកអស់រលីង។
អង្អភាព ប្រឆាំងអំពើពុករលួយ គួរត្រួតពិនិត្យ មើលសកម្មភាព មន្រ្តីគយស្រុកបូទុមសាគរ កំពុងជំរិតប្រាក់ ពីប្រជាពលរដ្ឋ ផងទាន។
យើងពុំអាចសុំការបំភ្លឺពីមេគយស្រុកបូទុមសាគរបានទេ ព្រោះគ្មានលេខទូសព្ទ័៕
