ឧត្តរមានជ័យ៖ នៅទីបញ្ជាការកងពលតូចថ្មើរជើងលេខ៤១ នារសៀលថ្ងៃទី ០៤ ខែកក្កដា ឆ្នាំ២០១៦ ឯកឧត្តម ខាយ ឃុនហេង រដ្ឋលេខាធិការ ជាតំណាងឯកឧត្តម ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានដឹកនាំ ប្រតិភូក្រសួងប្រៃសណីយ៍ និង ទូរគមនាគមន៍ និងតំណាង ក្រុមហ៊ុន សុភក្តិនីការ អ៊ិនវេសមេនគ្រុប ខូ.អិលធីឌី បានចុះ សួរសុខទុក កងទ័ព ! និងនាំយកសម្ភារៈប្រើប្រាស់ សម្រាប់កងទ័ព ប្រគល់ជូនអង្គភាពកង ពលតូច ថ្មើរជើងលេខ៤១ ដែលឈរជើងនៅសមរភូមិមុខ ស្ថិតក្នុភូមិសាស្រ្ត ស្រុកអន្លង់វែង ដែល កំពុងបំពេញភារកិច្ច នៃទិសប្រសាទព្រះវិហារ ។
ឧត្តមសេនីយ៍ទោ នាង ឃីម មេបញ្ជាការកងពលតូចថ្មើរជើងលេខ៤១ បានសំដែង ការស្វាគមន៍ ចំពោះប្រតិភូតំណាង ក្រសួងប្រៃសណីយ៍ទូរគមនាគមន៍ និងក្រុមហ៊ុន សុភក្តិនីការ អ៊ិនវេសមេនគ្រុប បានឆ្លៀតពេលវេលាដ៍មានតំលៃ ទោះបីភ្លៀងជោគជាំក៍ ដោយ នៅតែចុះមក សួរសុខទុក្ខដល់ នាយទាហាន ! ពលទាហាន និងនាំសម្ភារៈសម្រាប់ តម្រូវការ របស់ កងទ័ពប្រើប្រាស់ជាចាំបាច់ នៅទិសមុខផងដែរ ។
ឯកឧត្តមមេបញ្ជាការបានលើកឡើងថា៖ បច្ចុប្បន្ននៅតាមបណ្តោបន្ទាត់ព្រំដែនកម្ពុជា-ថៃ មាន សភាពស្ងប់ស្ងាត់ពិតមែន ក៍ប៉ុន្តែកំលាំង កងទ័ពរបស់យើងពុំ ដែលធ្វេសប្រហែស ឡើយ កងទ័ពបាន ត្រៀម នូវកម្លាំង ស្បៀងអាហារ បរិក្ខាសឹក នៅពេលមាន យថាហេតុ ណាមួយកើតឡើង ដើម្បីអន្តរាគមន៍ ឲ្យទាន់ពេលវេលាក្នុង ភារកិច្ចការពារទឹកដីឲ្យបានរឹងមាំ ។
ឯកឧត្តម ខាយ ឃុនហេង មានប្រសាសន៍ពាំនាំនូវការផ្តាំផ្ញើរសាកសួរសុខ ទុក្ខពីសំណាក់ ឯកឧត្តរដ្ឋមន្រ្តី ដល់កងទ័ពយើងដែលឈរ ជើងនៅសមរភូមិមុខ និងគ្រួសារ កងទ័ព ។ មិនតែប៉ុណ្ណោះសម្តេចតេជោ ក៏បានជម្រុញដល់គ្រប់ស្ថាប័ននានា នៅសមរភូមិ ក្រោយ ឲ្យ ផ្សារភ្ជាប់សម្ព័ន្ធមេត្រីភាពកិច្ចសហប្រតិបត្តិការ ជាមួយកងទ័ព សមរភូមិមុខ ហើយ បានធ្វើឲ្យការទំនាក់ទំនងគ្នាមានភាព ស្អិតរមួតរវាងសមរភូមិ ទាំងពីរផងដែរ ។
ឯកឧត្តម ខាយ ឃុនហេង បានកោតសរសើរ មេបញ្ជាការកងពលដែលបានខិតខំរៀប ចំ រចនាសម្ព័ន្ធគ្រប់បណ្តា កងអង្គភាពវរសេនាតូច និងស្នាដៃកែឆ្នៃ ឲ្យអង្គភាពមាន ការរីក ចំរើន បានឆាប់រហ័ស ពីមួយឆ្នាំ ទៅមួយឆ្នាំ ! និងកោតសរសើរ ចំពោះវីរភាពដ៏ អង់ អាច ក្លាហានរបស់នាយទាហាន ពលទាហាន ដែលបានហ៊ាន លះបង់ ! ពាក់លីជីវិត តស៊ូប្រយុទ្ធ ដេញសត្រូវដែលឈ្លានពានទឹកដី នៃប្រទេសកម្ពុជាក្នុងកិច្ចការពារជាតិមាតុភូមិ កម្ពុជាឲ្យបានគង់វង្ស ស្ថិតស្ថេរជារៀងរហូត តរៀងមក ។
អំណោយជាសម្ភារៈប្រើប្រាស់ សម្រាប់កងទ័ព ដែលអង្គភាពសម្ព័ន្ធមេត្រីភាពបាននាំមក រួមមាន៖ វិទ្យុទាក់ទង KANWOOD អង់តែន ! អំពូលភ្លើងខ្សែរ អង់តែន ចំនួន ៥គ្រឿង ICOM Motorolla MTS ចំនួន២៥គ្រឿង ! សូឡាឈុត ( ផ្ទាំងសូឡាអាគុយ ៨០ អំពែ ចំនួន ៥ ឈុត ! ព្រមទាំងខ្សែរភ្លើង ! អំពួលភ្លើង និងម៉ូតូ វេវ មួយ គ្រឿងផងដែរ ៕
