ខេត្តសៀមរាប៖ លោក តាំង អៀង និងប្រពន្ធឈ្មោះ ជា មួយ និយាយថា៖ ដីពួកគាត់ ! ទំហំ ២០ម៉ែត្រ គុណនឹង ៣០ម៉ែត្រ ស្ថិតនៅភូមិវាល សង្កាត់គោកចក ក្រុងសៀមរាប ! មានលិខិតកាន់កាប់ដីធ្លី ចេញដោយលោក ហ៊ុយ ហួន ចៅសង្កាត់ គោកចក ! ត្រូវបានឧត្តមសេនីយ៍ទោ កែវ មាស នាយ ការិយាល័យទី២ កងទ័ពជើងគោក រឹបអូសយក ។ បន្ទាប់ពី ពួកគាត់បានអនុញ្ញាតិឲ្យ អង្គភាពមណ្ឌល ! ខ្ចីដី ! ដើម្បីសង់ស្នាក់ការ ខេត្តសៀមរាប ប្រើប្រាស់លើដីនោះជាបណ្តោះអាសន្ន កាលពីឆ្នាំ ២០១១ មកម្លេះ ។
លិខិតកាន់កាប់ដីធ្លី ពលរដ្ឋពីរនាក់ ប្តីប្រពន្ធ ចុះថ្ងៃទី ០៥ ខែកុម្ភៈ ឆ្នាំ២០១៥ ដែលអះអាងថា ! ដីនោះ ជាដី របស់ឯកឧត្តមឧញ្ញា សៀង ណាំ អ្នកតំណាង រាស្រ្តមណ្ឌលសៀមរាប បានប្រគល់ឲ្យ ឯកឧត្តម ដុម ហាក់ នៅឆ្នាំ ២០០៧ ហើយឯកឧត្តម ដុម ហាក់ បានប្រគល់ ដីមួយចំណែកនេះឲ្យ ទៅ ឈ្មោះ តាំង អៀង ក្នុងទំហំ ២០ម៉ែត្រ គុណនឹង ៣០ម៉ែត្រ ស្មើនឹង ៦០០ ម៉ែត្រក្រឡា ។
ពលរដេ្ឋ ប្តី ប្រពន្ធ បានបញ្ជាក់ថា៖ ពួកគាត់បានព្រមព្រៀងគ្នា ដែលមានលាយល័ក ជាអក្សរ គឺជាលិខិតសំណើរ ចុះថ្ងៃទី១៧ ខែកុម្ភៈ ឆ្នាំ២០១៥ ដើម្បីសុំ ដី នោះមកវិញ ក្នុងលិខិតនោះ ភាគីម្ចាស់ដី ( លោក តាំង អៀង ) ព្រម ប្រគល់ លុយចំនួន ៣៥០០ $ ដុល្លា ជាតម្លៃសំណងអាគារស្នាក់ការ ដែលបានសាងសង់លើដី ពួកគាត់ ! ភាគីជាអ្នកទទួល គឺលោកវរសេនី៍ត្រី តាន់ ហ៊ុយហួត ជាមេស្នាក់ការនោះតែម្តង ! និងអ្នកចុះហត្ថលេខា ( បានឃើញ និង ឯកភាព ) ដោយ លោកវរសេនីយ៍ឯក ប្រាក់ ហឿន អតីតនាយមណ្ឌល ៤ ។
ក្រោយពីព្រមព្រៀងគ្នាប្រគល់ថ្លៃសំណងអាគារ រួចរាល់ ជិត១០ ថ្ងៃ គ្រួសារ រងគ្រោះខាងលើ បាន ចូលធ្វើរបងដីរបស់ ខ្លួនបាន ៨០% ត្រូវបានលោកវរសេនីយ៍ឯក គួយ សុវត្ថ នាយមណ្ឌល៤សព្វថ្ងៃ និងលោក តាន់ ហ៊ុយហួត មេស្នាក់ការ ខាងលើបានបញ្ជាឲ្យកូនទាហានធ្វើការហាមឃាត់ថា ! ជាដីអង្គភាពមណ្ឌល៤ទៅវិញ មិនតែប៉ុណ្ណោះ លោក វរសេនី៍ត្រី តាន់ ហ៊ុយហួត ជាមេស្នាក់ការ ប្រមាត ចាប់ប្តី ប្រពន្ធ រងគ្រោះ ដាក់គុកទៀតផង ! លោកទាំង២ និយាយថា ៖ បើចង់ បាន ដី នេះ ទាល់តែមានបញ្ជាពី ឧត្តមសេនីយ៍ទោ កែវ មាស នាយការិយាល័យទី២ កងទ័ពជើងគោក ដែលជាមេ របស់ពួកគេនោះ ។
លោក តាំង អៀង និងភរិយា ជា មួយ បានបន្ថែមថា៖ ចាប់តាំងពីពេលនោះមក មាន រយៈពេល ១ឆ្នាំ ហើយមិនទាន់ មាន មន្រ្តីយោធាជាន់ខ្ពស់ រូបណា ឫក៍អាជ្ញាធរខេត្តសៀមរាប មានចំណាត់ការ ដោះ ស្រាយ ឲ្យពួកគាត់នៅ ឡើយ ធ្វើមិនដឹង ! មិនលឺ ! យកដី ! ហើយ យកលុយ អស់ ៣៥០០ $ (បីពាន់ប្រាំរយដុល្លា ) ចង់ចាប់ប្តីប្រពន្ធ ពួកខ្ញុំ ដាក់គុក ទៀត ។
ជុំវិញបញ្ហាខាងលើ លោកវរសេនីយ៍ឯក ប្រាក់ ហឿន អតីត នាយមណ្ឌល៤ បានឲ្យដឹងថា៖ ដីមណ្ឌល៤ ដែល ឯកឧត្តម ដុម ហាក់ ប្រគល់ឲ្យមានផ្ទៃដី ទំហំ ១៧២៨ ម៉ែត្រការ៉េ ! រីឯ ដីសម្រាប់ស្នាក់ការខេត្ត អង្គភាពមណ្ឌល៤ សៀមរាប ! មិនមាននោះទេ ! ដើមឡើយស្នាក់ការ នៅ មណ្ឌល៣ សង្កាត់ស្លក្រាម ក្រុងសៀមរាប ។ បន្ទាប់ មកបាន រុះរើ នៅឆ្នាំ ២០១១ ទៅខ្ចីដី បន្ត ទំហំ ២០ម៉ គុណនឹង ៣០ម៉ របស់គ្រួសារ រងគ្រោះខាងលើ សព្វថ្ងៃ ។ លោក ប្រាក់ ហឿន បានបញ្ជាក់ថា៖ ក្រោយពីលោក វរសេនី៍ត្រី តាន់ ហ៊ុយហួត មេស្នាក់ការ ទទួលលុយថ្លៃសំណងអាគារ ៣៥០០ $ បានទៅទិញដីមួយកន្លែង នៅទល់មុខអាជ្ញាធរ ជាតិអប្សរា អតីតបូរីរដ្ឋបាលខេត្តសៀមរាបចាស់ ស្រុកប្រាសាទបាគង ដើម្បីធ្វើស្នាក់ការថ្មី ។
អ្នកព័ត៌មានបានធ្វើការទំនាក់ទំនង តាមទូរស័ព្ទទៅ ឧត្តមសេនីយ៍ទោ កែវ មាស នាយការិយាល័យទី២ កងទ័ព ជើង គោក កាលពីវេលាម៉ោង ១០ និង ០៥នាទី នៅព្រឹកថ្ងៃទី ០៩ ខែមិថុនា ឆ្នាំ២០១៦ នេះថា៖ មិននិយាយតាមទូរស័ព្ទ នោះទេ ! ឲ្យ អ្នកព័ត៌មានទៅកន្លែងធ្វើការ របស់លោក ៕
