ខេត្តឧត្តរមានជ័យ៖ ឧត្តមសេនីយ៍ឯក សរ ម៉ឺន សកលវិទ្យាធិការ រង នៃសកលវិទ្យាល័យការពារជាតិ បានដឹកនាំ សិក្ខាកាមចំនួន ៣៧នាក់ ដែលជានិស្សិតអប់រំចិត្តសាស្រ្ត នៃសកលវិទ្យាល័យការពារជាតិ ជំនាន់ទី៣ ( ឫស្សីកែវ ) បានចុះមកបំពេញកម្មសិក្សា នៅកងពលតូចថ្មើរជើងលេខ៤១ ដើម្បីស្វែងយល់អំពីសភាពការណ៍ថ្មីៗនៅតាម បន្ទាត់ព្រំដែន និងសិក្សាផ្ទាល់ អំពីបទពិសោធន៍ល្អៗ របស់នាយទាហាន ឆ្នើមៗជាច្រើនរូប ដែលមានស្នាដៃ ក្នុងការបំពេញតួនាទី និងភារកិច្ច តាមផែនការដាក់ចុះរបស់ថ្នាក់ដឹកនាំ រហូតឈានដល់សម្រេចបានជោគជ័យក្នុងបុព្វហេតុការពារជាតិ មាតុភូមិ ។
ក្នុងឱកាសចុះបំពេញកម្មសិក្សារបស់ក្រុមនិស្សិត ជំនាន់ទី៣ ឧត្តមសេនីយ៍ទោ នាង ឃីម មេបញ្ជាការ កងពល តូចថ្មីជើងលេខ៤១ បានបង្ហាញបទពិសោធន៍ ដែល ឯកឧត្តម ធ្លាប់ចូលប្រលូក ក្នុងការងារយោធា អស់រយៈ ពេល ជាង ៣០ឆ្នាំ ក្នុងនោះរួមមាន ការបំពេញភារកិច្ចបញ្ជាទ័ព ក្នុង សមរភូមិប្រយុទ្ធ ជាមួយខ្មាំងសត្រូវផងដែរ ។
ឯកឧត្តម បានគូសបញ្ជាក់ថា៖ ឋានៈតួនាទីដែលឯកឧត្តមទទួលបាននា ពេលបច្ចុប្បន្ននេះ គឺបានមកពីទំនុក ចិត្ត របស់ ថ្នាក់ដឹកនាំ ក៍ដូចជា រាជរដ្ឋាភិបាល ! ហើយទំនុកចិត្តទាំងនោះ គឺត្រូវបានប្រសូត្រ ចេញពីការតស៊ូ ដើម្បីប្រទេសជាតិ ប្រកប ដោយឆន្ទៈ និងបទពិសោធន៍ ។
ឧត្តមសេនីយ៍ទោ នាង ឃីម មានប្រសាសន៍ទៅកាន់ក្រុមនិស្សិត ថា៖ កាលពីអំឡុងពេល ៣០ឆ្នាំ មុន ឯកឧត្តម នៅជាយុទ្ធជនធម្មតា តែបទពិសោធន៍ ឯកឧត្តមផ្ទាល់បានខិតខំពុះពារគ្រប់ការលំបាក ដោយចាប់ ផ្តើម ពីការ អភិវឌ្ឍខ្លួនឯង ឈានទៅកសាង បានអង្គភាព រឹងមាំ ។ ឯកឧត្តមបានបង្ហាញ ទ្រឹស្តីកងទ័ពថា ! ស៊ូ បញ្ចេញ តំណក់ ញើស នៅលើទីលានហ្វឹកហ្វឺន តែមិនព្រមឱ្យដំណក់ឈាមហូរស្រក់ នៅលើទីលានប្រយុទ្ធនោះឡើយ គឺមានន័យថា៖ ត្រូវព្យាយាមហាត់ហ្វឹកហ្វឺនបង្កើនសមត្ថភាពប្រយុទ្ធលើសមរភូមិ ពង្រីកគុណធម៌ ពង្រឹងវិន័យ សេចក្តីថ្លៃថ្នូរ និងត្រូវ ឈ្លាសវៃ ចេះដោះស្រាយរាល់បញ្ហា និង ឧបសគ្គនានា ដែលកើតមានឡើងនៅចំពោះមុខ ។
ឧត្តមសេនីយ៍ទោ នាង ឃីម ក៏បានបើកឱកាសដល់ ក្រុមនិស្សិត ឡើងបញ្ចេញមតិយោបល់ និងលើកជាសំណួរ ដែលពាក់ព័ន្ធនឹងការងារ យោធារបស់ឯកឧត្តម ដែលឆ្លងកាត់រយៈពេលកន្លងមកនេះ ! ក្នុងនោះ ដែរ ឯកឧត្តម ក៏បានលើកទឹកចិត្តដល់ក្រុមនិស្សិត ដែលជាសិក្ខាកាម អប់រំចិត្តសាស្រ្តផងដែរ ។
នាឱកាសនោះដែរ ឧត្តមសេនីយ៍ឯក សរ ម៉ឺន បានផ្តាំផ្ញើរបន្ថែមដល់ក្រុមនិស្សិត និងជម្រុញឲ្យមានការយកចិត្តទុក ជាក់ ! ព្រោះថានៅពេលអនាគត កម្មសិក្សាការីទាំងអស់ នឹងក្លាយទៅជា កងទ័ព ដ៏អង់អាចក្លាហាន ជាគ្រូយោធា ចារ្យ ដ៏ល្អ មានជំនាញច្បាស់លាស់ មានបទពិសោធន៍ អាចយកទៅចែក រំលែកដល់ ពលទាហានជំនាន់ក្រោយៗទៀត ដែលជាអ្នកបន្ត វេន នាពេលអនាគត ៕
