ខេត្តសៀមរាប៖ បងប្អូនប្រជាពលរដ្ឋចំនួន២១គ្រួសារដែលរងគ្រោះដោយសារខ្យល់កន្ទ្រាក់ រលំផ្ទះ របើកដំបូល មកពី០៩ ភូមិ ក្នុងឃុំ ០៤ របស់ស្រុកជីក្រែង ខេត្តសៀមរាប ត្រូវបានទទួលអំណោយ របស់សម្តេចគតិព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានកាកបាទក្រហមកម្ពុជា ចែកជូនកាលពី ព្រឹកថ្ងៃទី ០៩ ខែឧសភា ឆ្នាំ២០១៦ នៅសាលាស្រុកជីក្រែង ខេត្តសៀមរាប ។
តាមរយៈលោកជំទាវ គួយ ណាលីន ឃឹម ប៊ុនសុង អនុប្រធាន គណៈកម្មាធិការសាខាកាកបាទក្រហមកម្ពុជាខេត្តសៀមរាប និង លោកជំទាវ ទោម ចន្ថា នូ ផល្លា សមាជិកាកិត្តិយសកាកបាទក្រហមកម្ពុជាខេត្ត ។
លោកអភិបាលស្រុកជីក្រែង បានរាយរបាយការណ៍ នៃការរងគ្រោះ ដោយសាខ្យល់កន្ទ្រាក់ កាលពីថ្ងៃទី២៨ ខែមេសា ២០១៦កន្លងមកនេះ បានធ្វើឲ្យលំនៅដ្ឋានប្រជាពលរដ្ឋចំនួន២១ខ្នងនៅ ក្នុងភូមិមួយចំនួនក្នុងឃុំខ្វាវ ឃុំសង្វើយ ឃុំអន្លង់សំណរ និង ឃុំល្វែងប្ញសី្ស ស្រុកជីក្រែងទទួលរងគ្រោះ បណ្តាលឲ្យរលំផ្ទះចំនួន០៩ខ្នងនិង របើកដំបូល ១២ខ្នងផងដែរ ។
លោកជំទាវ គួយ ណាលីន ឃឹម ប៊ុនសុង អនុប្រធានគណៈកម្មាធិការសាខាកាកបាទ ក្រហមកម្ពុជា ខេត្តសៀមរាប បានសំដែងនូវការសោកស្តាយអាណិតអាសូរ ចំពោះបងប្អូនដែលទទួលរងគ្រោះ ដោយគ្រោះ ធម្មជាតិ នឹកស្មានមិនដល់នៃការវិនាសកម្មដែលធ្វើឲ្យបាត់បង់ខូចខាត ផ្ទះសម្បែង របស់បងប្អូន ដែលបាន ខិតខំកសាងនូវជីវភាពរបស់ខ្លួន ដើមី្បមានទីជម្រករស់នៅសមរម្យ ប្រកបដោយសុភមង្គល ។
លោកជំទាវ បាន លើកឡើងថា៖ ដោយបញ្ហាបម្រែបម្រួលអាកាសធាតុនេះហើយបានធ្វើឲ្យកំណើន កំដៅនៃភពផែនដី មានការកើនឡើង បានធ្វើឲ្យតំបន់ មួយចំនួនមានការ ខ្វះខាតនូវទឹកប្រើប្រាស់ ត្រូវបាន ប្រមុខរាជរដ្ឋាភិបាល ក៏ដូច អាជ្ញាធរ និងសាខាកាកបាទក្រហម ខេត្ត បាន ផ្គត់ផ្គង់ទឹកជូនដល់ ប្រជាពលរដ្ឋ ទាំងនោះ ដោយមិនទុកឲ្យប្រជាពលរដ្ឋណាម្នាក់ស្លាប់ដោយឥតទឹកប្រើប្រាស់ឡើយ ។
លោក ជំទាវក៏បានផ្តាំផ្ញើដល់បងប្អូន ជនរងគ្រោះទាំងអស់ ត្រូវធ្វើការជួសជុលលំនៅដ្ឋានរបស់ខ្លួនឡើងវិញ ដើមី្បឲ្យរស់នៅ ! ត្រៀមលក្ខណៈនូវឧបករណ៍សម្ភារៈកសិកម្ម ក្នុងការងារបង្កបង្កើនផល ព្រោះ រដូវ វស្សាបានចូល មកដល់ហើយ ។ អំណោយដ៏ថ្លៃថ្លារបស់សម្តេចកត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម កម្ពុជា យកមកផ្តល់ជូនបងប្អូនតិចតួច ដែលមិនបានស្មើទៅ នឹងការខូចខាតរបស់បងប្អូន ក៍ពិតមែន តែដោះស្រាយក្នុងគ្រាលំបាកបានមួយរយៈ ហើយការចែកជូននេះដោយមិនបានប្រកាន់ពូជសាសន៍ ព័ណ៌សម្បុរ និងមាននិន្នាការនយោបាយណាមួយឡើយ គឺធ្វើឡើងក្នុងទឹកចិត្តមនុស្សធម៌ ។
អំណោយលើកនេះសម្រាប់ គ្រួសាររលំផ្ទះ ទទួលបានអំណោយ ១៤មុខ និង គ្រួសារផ្ទះរបើកដំបូល ទទួលបាន ១២មុខ ក្នុងនោះឯ.ឧបណ្ឌិត ឃឹម ប៊ុនសុង និង លោកជំទាវ បានឧបត្ថម្ភបងប្អូនទាំង ២១គ្រួសារ ដោយមួយគ្រួសារ បានថវិកា ៥ម៉ឺនរៀល ៕
