ភ្នំពេញ : ក្រុមកម្មករបម្រើការងារនៅរោងចក្រ កាត់ដេរសម្លៀកបំពាក់យុីហោ(ហុងយូហ្គាមេន) ដែលមានទីតាំងស្ថិតនៅតាមផ្លូវលំ ក្នុងភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យចំនួន២០០នាក់ នៅតែបន្តធ្វើកូដកម្មតវ៉ាទាមទារ លក្ខខណ្ឌប្រយោជន៍របស់ពួកខ្លួន កាលពីវេលរសៀលថ្ងៃទី២០កក្កដា២០ឆ៥នេះ ។ ចោទថាខាងក្រុមហ៊ុនមិនគោរពទៅតាមលក្ខខណ្ឌការងាររបស់ក្រសួង បន្ទាប់ពីខាងក្រុមហ៊ុនដេញក្រុមការងាររបស់ក្រសួងការងារចេញ មិនអនុញាតិឱ្យលូកដៃក្នុងរឿងនោះ កាលពីព្រឹកថ្ងៃទី២០ខែកក្កដា២០១៥ ។
កម្មករបានឲ្យដឹងថា ក្រុមហ៊ុនរោងចក្រកាត់ដេរសម្លៀកបំពាក់ខាងលើ មានកម្មករបម្រើការងារសរុបចំនួន២០០នាក់ ។ ហើយដោយសារតែថៅកែក្រុមហ៊ុន មិនគោពទៅតាមលក្ខខណ្ឌការងារដែលក្រសួងបានដាក់ចុះ ទើបកម្មករពួកខ្លួនប្រមូលផ្តុំគ្នាធ្វើការតវ៉ា ដោយមានការចូលរួមសហការណ៍ជាមួយ ពីសហព័ន្ធសហជីព កម្មករនយោជិកតាំងពីថ្ងៃទី១៧កក្កដា រហូតមកដល់ព្រឹកថ្ងៃទី២០កក្កដា ។ ខណ:ដែលក្រសួងការងារ មកសម្របសម្រួល និងធ្វើការដោះស្រាយរវាងក្រុមហ៊ុនជាមួយកម្មករ បែជាខាងក្រុមហ៊ុនមានចេតនា មិនអនុញាតិឱ្យខាងក្រសួងការងារលូកដៃចូលក្នុងរឿងនេះ ហើយឱ្យចាកចេញទៅវិញ ។ ក្នុងទង្វើរបស់ក្រុមហ៊ុនបែបនេះ ទើបកម្មករនៅតែបន្តធ្វើកូដកម្មនារសៀលថ្ងៃដដែល មានទាំងដុតភ្នក់ភ្លើងខាងមុខរោងចក្រនោះផងដែរ ។
កម្មករបានបន្តទៀតថា លក្ខខណ្ឌ២១ចំណុចរួមមាន :ទី១-ស្នើរក្រុមហ៊ុនរៀបចំ គ្រូពេទ្យប្រចាំការ និងមានថ្នាំពេទ្យ ទី២- ក្រុមហ៊ុនមិនត្រូវកាត់លុយធ្វើដំណើររបស់កម្មករទី៣- ស្នើរក្រុមហ៊ុនកាត់លុយកម្មករជាសមាមាត្រ ទី៤-ការងារថែមម៉ោងស្ថិតនៅលើគោលការស្ម័គចិត្តរបស់កម្មករ ទី៥-ក្រុមហ៊ុនមិនត្រូវបញ្ឈប់កម្មករដោយគ្មានមូលហេតុ ទី៦-ស្នើរក្រុមហ៊ុនរក្សាប្រាក់ឈ្នួល ប្រាក់អត្ថប្រយោេជន៍ផ្សេងៗមួយភាគរយ ទី៧-ស្នើរក្រុមហ៊ុនផ្តល់លុយបាយថែមម៉ោងចំនួន២០០រៀលក្នុង១ម៉ោង ទី៨-ស្នើរក្រុមហ៊ុន អនុញាតិឲ្យស្រ្តីមានផ្ទៃពោះ បានឈប់សម្រាក១ថ្ងៃក្នុង១ខែដើម្បីផ្តល់ឱកាសឲ្យទៅពិនិត្យផ្ទៃពោះ ទី៩-ស្នើរក្រុមហ៊ុនអនុញាតិឲ្យស្រ្តីមានផ្ទៃពោះចេញមុនម៉ោងចំនួន២០នាទី ទី១០-ស្នើរក្រុុមហ៊ុនបើកប្រាក់៥០ភាគរយ ជូនស្រ្តីសម្រាក លំហែមាតុភាព រយះពេល៩០ថ្ងៃ ទី១១-ក្រុមហ៊ុនមិនត្រូវកឹបសំបុត្រកង់-ម៉ូតូ របស់កម្មករ ទី១២- ក្រុមហ៊ុនទទួលខុសត្រូវទាំងស្រុង ពេលកម្មករមានគ្រោះថ្នាក់ក្នុងម៉ោងការងារ ទី១៣- ក្រុមហ។ុនផ្តល់បាយ១ពេលថ្ងៃត្រង់ឬប្រាក់៣០០រៀលក្នុង១ថ្ងៃជូនកម្មករ ទី១៤- ស្នើរក្រុមហ៊ុនផ្តល់បាយថ្ងៃត្រង់១ពេល ដល់កម្មករ ដែលធ្វើការថ្ងៃបុណ្យនិងថ្ងៃអាទិត្យ ទី១៥-ស្នើរក្រុមហ៊ុនកុំឲ្យមានការរើសអើងកម្មករ ដែលចូលរួមក្នុងសកម្មភាពជាមួយសហជីព និងចូលរួមធ្វើកូដកម្ម ទី១៦-ស្នើរក្រុមហ៊ុនរក្សាប្រាក់ឈ្នួល និងប្រាក់អត្ថប្រយោជន៍ផ្សេងៗ ពេលកម្មករធ្វើកូដកម្ម ទី១៧- ស្នើរក្រុមហ៊ុនអនុញាតិសម្រាក៣០នាទី មុនការងារថែមម៉ោងទី១៨- ស្នើរក្រុមហ៊ុន រៀបចំមានទារកដ្ឋាន ក្នុងករណីបើគ្មាន ក្រុមហ៊ុនផ្តល់លុយចំនួន២០ដុល្លា ក្នុង១ខែ ដែលកម្មករមានកូនតូចទី១៩- ក្រុមហ៊ុនមិនត្រូវកាត់លុយកម្មករណាដែលប្រើច្បាប់ពិសេសទី២០- ក្រុមហ៊ុនទូរទាត់ប្រាក់បំណាច់ឆ្នាំឲ្យបានច្បាស់លាស់ទី២១- ក្រុមហ៊ុន ត្រូវទទួលយកកម្មករឈ្មោះ សឿង ជា ចូលធ្វើការកន្លែងដើមវិញ ។
កន្លែងផ្ទុះកូដកម្ម ខាងលើ ទោះជា ខាងកម្មករ-និងសហជីព ខិតខំធ្វើការតវ៉ា តាមរយះសម្រែក តាមឃោសន:ស័ព្ទយ៉ាងណាក៏ដោយ និងមានដុតភ្នក់ភ្លើងបែបណាក៏ដោយ ដំណោះស្រាយនៅតែមិនទាន់មាន ដដែល ឃើញមានសមត្ថកិច្ចនិងអាជ្ញាធរ ចុះទៅសម្របសម្រួល ជៀសវាងហឹង្សាណាមួយកើតឡើង និងរក្សាសន្តិសុខសណ្តាប់ធ្នាប់ នៅកន្លែងកម្មករធ្វើកូដកម្ម ។ មតិសាធារណៈយល់ថា គួរតែថៅកែ និងកម្មករសំរបសំរួលគ្នា ដើម្បីផលប្រយោជន៏ទាំងសងខាង។ (ដកស្រង់)
